Емисијата „360 степени“, прва во новата сезона, во која разговараме со лидерот на Демократската унија за интеграција (ДУИ), Али Ахмети, се емитува в понеделник (18 септември 2023 г.) од 20:15 часот на МРТ 1
Во првото издание од десеттата сезона на „360 степени“, која ќе се емитува на Првиот програмски сервис на МРТ, гостува лидерот на Демократската унија за интеграција (ДУИ), Али Ахмети. Поточно, екипата на „360 степени“ гостува во седиштето на партијата во тетовска Мала Речица, каде го снимивме интервјуто во кое со Ахмети разговараме на повеќе теми: уставни измени, измени на Кривичниот законик, „расчистување терен“ за враќање на Груевски, „планот Заев-Мицкоски“, „хибридниот политичко-економски центар што работи против ДУИ“, влијанието на ДУИ во судските и обвинителските структури, политичката моќ на Артан Груби, случајот со запалената „позајмена“ кола, разделбата со Изет Меџити…
Дел од прашањата до Ахмети се за бизнисите на членови на неговото најблиско семејство во кои се вртат милиони евра на годишно ниво, како и за потенцијалната корупција. Интервјуто е снимено во четвртокот (14 септември 2023 г.), а некои од одговорите на лидерот на ДУИ се на македонски јазик.
Емисијата „360 степени“ се емитува в понеделник (18 септември 2023 г.) од 20:15 часот на МРТ 1.