Силните ветрови собориле дрвја, корнеле покриви од куќи и превртувале автомобили, а три градежни крана паднале врз медицинско-образовниот институт во Ермон
Најмалку едно лице загина, а десетици се повредени откако синоќа торнадо го погоди градот Ермон, што се наоѓа во област северно од Париз.
Регионалниот обвинител Гирек Ле Бра изјави дека 23-годишен градежен работник загинал на градилиште, а 10 лица се повредени, од кои четворица се во критична состојба.
Француските медиуми пренесуваат дека торнадото предизвикало огромна материјална штета и прекини во сообраќајот. Силните ветрови собориле дрвја, корнеле покриви од куќи и превртувале автомобили, а три градежни крана паднале врз медицинско-образовниот институт во Ермон.
‼️ [ 🇫🇷 FRANCE ]
— Little Think Tank (@L_ThinkTank) October 20, 2025
🔸️ Au moins un mort et huit blessés après le passage d'une tornade dans le Val-d'Oise, la commune d'Ermont a été particulièrement touchée. Trois grues se sont effondrées, de nombreuses toitures se sont envolées, et des arbres ont été arrachés. pic.twitter.com/5gs6wzXs0P
На местото на настанот биле испратени 80 пожарникари, 50 полицајци и 20 работници на брзата помош.
„Пожарникарите досега регистрираа 324 интервенции и повеќе од 700 повици. Ова е сериозен климатски настан. Многу брутални налети на ветер кои не беа најавени“,
соопштуваат властите од префектурата Вал-д’Оаз.
ALERTE – Au moins un mort et neuf blessés dont 4 très graves, après le passage d'une violente #tornade dans le Val-d'Oise au nord de Paris.
— Infos Françaises (@InfosFrancaises) October 20, 2025
Les dégâts sont énormes, notamment sur la commune d'Ermont où des grues se sont effondrées, de nombreuses toitures sont arrachées et des… pic.twitter.com/rOWpBSBHac
Министерот за внатрешни работи Лоран Нуњез во објава на платформата Икс вели дека станува збор за бура со „ненадеен и редок интензитет“.
„Внимателно ја следам ситуацијата и ја изразувам мојата поддршка до службените лица, спасувачите на лице место и погодените жители. Им изразувам сочувство на семејството и на најблиските на починатата жртва“,
вели тој.
Силниот ветер предизвикал уривање на неколку градежни кранови, предизвикувајќи дополнителна штета. Еден од крановите паднал врз медицинска и социјална институција, но немало жртви во тој инцидент. Властите, исто така, велат дека има бројни откорнати покриви, а последиците од торнадото може да се видат од фотографиите и видеата објавени на социјалните мрежи.
Dramatic video footage shows the tornado that ripped through Ermont, just north of Paris, France, earlier this evening, causing cranes to collapse. There are reports of casualties. Credit: Alexandre Coutinho pic.twitter.com/ZR1XzfvYyY
— Nahel Belgherze (@WxNB_) October 20, 2025
Торнадото, исто така, предизвикало значителни прекини во сообраќајот. Железничките линии помеѓу Шан-де-Мар и Понтоаз се прекинати во двата правци поради прекин на електричната енергија откако дрво паднало на далноводите.
Кабли за напојување со електрична енергија имало паднато и на патиштата, поради што локалните власти апелираа до граѓаните да избегнуваат патување во погодените подрачја.
J’étais au cœur de la tornade à ermont sur l’autoroute j’crois c’est la plus grande peur de ma vie pic.twitter.com/hIDQK51wzr
— orlaane (@Orlaane__) October 20, 2025
Според информациите што ги пренесуваат медиумите, 1 700 домаќинства биле без електрична енергија, а десетици жители се евакуирани и сместени во локална спортска сала.