Димитриевски приложуваше и фотографии од лица кои биле пред гласачките места и за кои тврди дека се вработени во Министерството за внатрешни работи, на ова Илиевски рече дека тие се жители на Куманово и имаат право да гласаат, а тоа што Димитриевски ги фотографирал незаконски треба да реагираат инстуциите
Актуелниот градоначалник на Куманово и независен кандидат за втор мандат, Максим Димитриевски, во вечерашната дебата на „360 степени“ обвини дека за време на изборниот ден од првиот круг од локалните избори, целото МВР било ангажирано во партиска функција, но и дека одредени лица блиски до владејачката СДСМ се закануваат на граѓани кои решиле поддршката да ја дадат за него.
„Член и активист на штабот на Илиевски лично се заканува на самохран родител, мајка, со пораки до степен по закани на животот на детето и никој ништо не презема за тоа. Денеска кажавме дека има формирано и група од неговиот штаб која взаемно се допишува и организира кој кого ќе тепа и репресира за време на изборите и по нив. Јавноста тоа го знае, а органите нека се произнесат“,
рече Димитриевски.
Илиевски рече дека Димитриевски прави театар од кампањата и ги повика граѓаните да се произнесат и да проценат дали некогаш виделе луѓе во црни одела кои биле пред гласачките места. Тој додаде дека тие водат позитивна кампања и ги негираат обвинувањата искажани од страна на Димитриевски.
„Ние ги негираме овие обивнувања. Неговиот мандат беше театар со цел да ги прикрие аргументите кои одат против него односно, укажуваа тна проектите кои не се реализирани. А со театар продолжи да ја води и кампањата. Прави прекроци и потоа се снима дека некој друг го следи, а сега си праќаат сами на себе пораки и потоа ги објавуваат јавно. Ги повикувам инстутциите да ги процесуираат сите прекршоци кои се направени за време на изборната кампања и да има конечна пресуда“,
рече Илиевски.
Димитриевски приложуваше и фотографии од лица кои биле пред гласачките места и за кои тврди дека се вработени во Министерството за внатрешни работи, на ова Илиевски рече дека тие се жители на Куманово и имаат право да гласаат, а тоа што Димитриевски ги фотографирал незаконски треба да реагираат инстуциите.