(ВИДЕО) Бугарија во жалост за жртвите во автобуската несреќа и во пожарот во дом за стари лица

На денот на национална жалост, седницата на преодната влада на Бугарија започна со едноминутно молчење

Денешниот ден е ден на национална жалост во Бугарија, во чест на жртвите во пожарот во дом за стари лица во селото Ројак и во тешката автобуска несреќа на автопатот „Струма“, јави БГНЕС.

Пожар во дом за стари лица во Бугарија – девет загинати

Во чест на загинатите, знамињата на сите државни институции во текот на денешниот ден ќе бидат на половина копје. Властите им изразуваат сочувство на роднините на загинатите.

Втор ден на жалост за жртвите во автобуската несреќа

На денот на национална жалост, седницата на преодната влада на Бугарија започна со едноминутно молчење.

Премиерот на Бугарија, Стефан Јанев, рече дека ова е ден на сеќавање на жртвите – девет бугарски државјани кои загинаа во пожарот во домот за стари лица кај Варна и државјаните на Република Северна Македонија кои загинаа во автобуската несреќа на автопатот „Струма“.

„Во време на тешкотија, да го изразиме нашето сочувство за членовите на семејствата и роднините на жртвите“,

рече Јанев.