Според портпаролот на „Џапан ерлајнс“, во авионот „JAL 516“, кој полетал од аеродромот „Њу Читозе“ во Хокаидо, имало повеќе од 300 патници
Авион на компанијата „Џапан ерлајнс“ се запалил при слетување на аеродромот Ханеда во Токио.
Јапонските медиуми пренесуваат дека пламен излегува од прозорците на авионот и од под него, а гори и пистата.
Јапонскиот медиум НХК, повикувајќи се на информации од властите, соопшти дека авионот по слетувањето на аеродромот Ханеда можеби се судрил со авион на јапонската крајбрежна стража.
Според портпаролот на „Џапан ерлајнс“, во авионот „JAL 516“, кој полетал од аеродромот „Њу Читозе“ во Хокаидо, имало повеќе од 300 патници.
„Гардијан“ пренесува дека вкупно 379 патници и членови на екипажот на авионот на „Џапан ерлајнс“, наводно, се евакуирани.
Од видеото објавено од „Скај њуз“ се гледа дека на пистата веќе има противпожарни возила кои го гаснат авионот што гори.