На драматично видео објавено на социјалните мрежи што го сподели и противпожарната служба на Лос Анџелес се гледа како неколку полицајци извлекуваат маж од паднатиот авион, кој се урна веднаш по полетувањето во населбата Пакоима, објавија локалните медиуми
Полицијата во Лос Анџелес го извлекла пилотот од урнатиот авион од типот „цесна“, неколку секунди пред во него да удри воз.
На драматично видео објавено на социјалните мрежи што го сподели и противпожарната служба на Лос Анџелес се гледа како неколку полицајци извлекуваат маж од паднатиот авион, кој се урна веднаш по полетувањето во населбата Пакоима, објавија локалните медиуми.
Heroic LAPD officers save pilot, who was forced to emergency land, just moments before an oncoming train hit his aircraft. pic.twitter.com/moI34c4S34
— Barstool Sports (@barstoolsports) January 10, 2022
Полицијата и пилотот биле на само неколку метри од пругата кога налетал возот кој го уништил авионот.
„Авионот не успеа да полета и падна на железничката пруга на фреквентна раскрсница“,
изјави Луис Хименез, 21-годишен композитор кој го снимил видеото.
„Само неколку секунди пред ударот, полицијата го спаси пилотот, а едно парче од остатоците за малку ќе ме погодеше“,
рече тој.
Пилотот имал исеченици и модринки и е во стабилна состојба, јавуваат локалните медиуми.