Мексиканците, многумина од генерацијата „Z“, маршираа за да ја осудат неказнивоста и растечкото насилство и да го изразат незадоволството од владата на Шајнбаум
Најмалку 120 лица, од кои 100 полицајци се повредени во судирите за време на антивладините протести во Мексико Сити, соопшти полицијата.
Илјадници демонстранти вчера маршираа во мексиканскиот главен град во знак на протест против насилниот криминал и Владата на претседателката Клаудија Шајнбаум.
Шајнбаум рече дека маршевите, кои се одржаа и во други градови, биле финансирани од десничарски политичари кои се противат на нејзината влада.
Собирите се организирани од младински групи од генерацијата „Z“, привлекувајќи поддршка од граѓаните кои протестираат против убиствата од висок профил, вклучувајќи го и атентатот пред само неколку недели на градоначалникот на Уруапан, Карлос Манцо – кој повика на строги мерки против картелите.