Со својата четврта титула во Формула 1, Макс Верстапен влезе во елитниот клуб на возачи кои имаат најмалку четири титули
Британскиот возач на „Мерцедес“, Џорџ Расел, победи на трката за Големата награда на Лас Вегас во Формула 1, но големата вест е четвртата последователна светска титула на Холанѓанецот Макс Верстапен со „Ред бул“.
Верстапен заврши на петтата позиција, но зад себе го остави големиот ривал Ландо Норис (Велика Британија, „Мекларен“) оставајќи го денеска зад себе повеќе од 25 секунди.
Расел заврши со најбрзо време, а „Мерцедес“ направи двоен триумф со седумкратниот шампион Луис Хамилтон од Велика Британија кој заврши на второто место.
Возачите на „Ферари“, Карлос Саинц (Шпанија) и Шарл Леклер (Монако) завршија на третото и четвртото место.
Со својата четврта титула во Формула 1, Макс Верстапен влезе во елитниот клуб возачи кои имаат најмалку четири титули. Покрај Холанѓанецот, тука се и Себастијан Фетел (4), Ален Прост (4), Хуан Мануел Фанџо (5), Михаел Шумахер (7) и Луис Хамилтон (7).
Од овие шест возачи, четворица ја освоија својата четврта титула во 21 век. Тоа се Шумахер (2001), Фетел (2013), Хамилтон (2017) и Верстапен (2024). Фанџо и Прост ја освоија својата четврта титула во 1956 и 1993 година.
Верстапен е и вториот возач кој влезе во овој клуб откако ги освои првите титули со ист тим. Пред него тоа го направи Фетел, исто како и Верстапен, како возач на „Ред бул“.