Министерката за внатрешни работи, Прити Пател, ги повика ЕУ и другите земји да го следат примерот на Британија
Британската влада се согласи да учествува во планот за прифаќање бегалци од Авганистан, а властите во Лондон одлучија да прифатат најмалку 20 илјади бегалци.
Британската министерка за внатрешни работи, Прити Пател, ги повика ЕУ и другите земји да го следат примерот на Британија.
„Нашата нова програма за прифаќање бегалци од Авганистан ќе ни овозможи да прифатиме до 20 000 луѓе кои беа принудени да ја напуштат својата татковина. Првите 5 000 ќе пристигнат следната година“,
напиша таа, во авторски напис објавен на веб -страницата на ‘Дејли телеграф’
Пател нагласи дека Велика Британија не може да дејствува сама и дека разговара со другите западни земји за помош на авганистанското население, откако земјата беше преземена од талибанците.