Новото магазинско издание на емисијата „360 степени“ се емитува вечерва (13 март 2023 г.) од 22:20 часот на ТВ Алсат
Во ова издание:
– Нови детали за спорниот надзор над ,,Бехтел и Енка” – најголем дел од 22-та милиони евра ќе поминат преку анонимната македонска фирма ,,Електра солушнс”: Стотиците страници документи носат до јасен заклучок дека надзорот не е воопшто италијански, туку пред се домашен, македонски;
– Вртоглави суми за надзорот над ,,Бехтел и Енка” – за четворица преговарачи за цената предвидени по 300 илјади евра паушал, за четворица надзорни инженери по 20 илјади евра месечно, за геометри – по 5 600 евра месечно;
– Американскиот глобален координатор за антикорупција, Ричард Нефју, го прашавме дали случајот со „Бехтел и Енха“ не ги поткува заложбите на САД да ја помогнат борбата против корупцијата во Северна Македонија;
– Легендарната дивоградба на „Пластичарска“ никако да падне – полицијата во последен момент ја откажала асистенцијата за Општина Центар; Во меѓувреме, нови спорни градби никнуваат на Водно надвор од урбанизираната зона;
– „Саботажа“.
Емисијата се емитува од 22:20 часот на ТВ Алсат.