Емисијата „360 степени“, во која гостува министерот за правда, се емитува вечерва (12 март 2021 г.) од 22:00 часот на ТВ Алсат
На сите агенди и стратегии што ги промовира Владата, кои треба да ја донесат „Европа дома“, се случи настан на кој премиерот, во присуство на министрите за правда и за внатрешни работи, вели – јас координирав со акцијата што го принуди Сашо Мијалков да се пријави во обвинителството. Притоа, премиерот мисли на координација, не само со владините институции туку и со обвинителството и судот. На каков начин се поврзани агендите за „Европа дома“ и координацијата на премиерот со судството и обвинителството?
Ова е една од темите на кои разговараме со министерот за правда Бојан Маричиќ, кого го прашуваме и за впечатокот дека последните разрешувања на судии од Судскиот совет се поради несуштински пропусти (Неделкова, Лаличиќ…), за тоа до каде е одговорот на државата за апликациите на осудени и обвинети во случаи на СЈО пред судот во Стразбур во кои се повикуваат на помилувањето од Ѓорге Иванов, за интерпелацијата од опозицијата, за остварливоста на законската обврска за гласање со отпечаток од прст веќе на локалните избори, за пописот…
„360 степени“ почнува во 22:00 часот на ТВ Алсат.