Невреме со силен ветар и дожд, кое вечерва околу 21:00 часот го зафати струмичкиот регион, предизвика штети на повеќе локации.
Според информацијата од Територијалната против пожарна единица на Струмица, урнати се големи дрвја на улицата „Елка Јанкова“, на излезот од Струмица кон селото Куклиш и на улиците„Крушевска република“ и „ 5 Ноември“, а во селото Петралинци заради уривање на столб прекинато е снадбувањето со струја.
Според информациите од струмичките пожарникари, нема повредени, ниту пак е предизвикана штета врз возила и објекти.