На вакциналните пунктови во државата заклучно со вчера вакцинирани се вкупно 243 832 граѓани. Прва доза вакцина вчера примиле 2 249 граѓани, а вчера вкупно се вакцинирале 6 521 граѓанин. Во државата вкупно се аплицирани 369 661 доза вакцини, а ревакцинирани се 125 829 граѓани.
Со последните бројки, 47 % од населението над 70 години имаат примено барем една доза вакцина, 41 % од населението над 65 години е вакцинирано со барем една доза вакцина и 35 % од населението над 60 години е вакцинирано со барем една доза вакцина, соопшти Министерството за здравство.
Од Министерството информираат дека вакцинацијата се одвива непречено на сите пунктови низ државата, а интересот за вакцинација секојдневно се зголемува. Според веб-страницата за вакцинација, досега се пријавиле 438 879 граѓани.