Македонскиот претседател претходно соопшти дека разговарале со еврокомесарот за проширување и за надминување на проблемите со Бугарија
Ја истакнав поддршката за официјално отворање на преговорите за членство и потребата Советот на ЕУ да се согласи за преговарачката рамка. Важно е Северна Македонија и Бугарија да изнајдат заеднички прифатливо решение, напиша еврокомесарот за проширување Оливер Вархеји на Твитер по средбата што ја имаше утрово со македонскиот претседател Стево Пендаровски.
#NorthMacedonia: Welcomed President @SPendarovski in Brussels today. Underlined support for official launch of accession talks&need for @EUCouncil to agree on negotiating framework. Important that North Macedonia & #Bulgaria find mutually acceptable solution for bilateral issues. pic.twitter.com/VEMVGMZw1z
— Oliver Varhelyi (@OliverVarhelyi) April 27, 2021
Претседателот на С Македонија престојува во дводневна посета на Брисел, која почна со состанокот со Вархеји, а утре ќе заврши со средба со генералниот секретар на НАТО, Јенс Столтенберг.
Утрово Пендаровски имаше средба и со специјалниот пратеник на ЕУ за дијалогот Белград-Приштина, Мирослав Лајчак, а во текот на денот се предвидени средби и со претседателот на Европскиот совет, Шарл Мишел, со претседателот на Европскиот парламент, Давид Сасоли, со потпретседателот на Европската комисија и висок претставник за надворешна и безбедносна политика на Европската Унија, Жозеп Борел, како и со европратеникот и известител за Северна Македонија, Илхан Ќучук.