За повторување на гласањето за избор на пратеници ќе бидат испечатени 32 181 гласачко ливче, додека за претседателските избори повторно ќе може да гласаат 28 687 граѓани. На изборите во Белград, пак, вкупниот број гласачи на овие шест избирачки места е 5 803 лица
Од вчера на полноќ во Србија започна изборниот молк поради повторување на гласањето што ќе се одржи утре на 54 избирачки места за парламентарните, на 35 места за претседателските и на шест места за изборите во градот Белград, јави дописникот на МИА од Белград.
Според одлуките на Републичката изборна комисија (РИК), поради нерегуларности на овие избирачки места, изборите повторно ќе се одржат на национално и парламентарно ниво, додека Градската изборна комисија (ГИК) во Белград одлучи да се повтори гласањето за Собранието на Град Белград.
За повторување на гласањето за избор на пратеници ќе бидат испечатени 32 181 гласачко ливче, додека за претседателските избори повторно ќе може да гласаат 28 687 граѓани.
На изборите во Белград вкупниот број гласачи на овие шест избирачки места е 5 803 лица.