Утре во 9:30 часот вештак назначен од судот во Перник ќе изврши увид на местото на несреќата, на автопатот „Струма“, каде минатата година со автобус на превозникот „Беса Транс“ загинаа 45 патници, пренесува ТВ24.
Увидот ќе се изврши на барање на десет наследници на жртвите, кои пак бараат 750 000 евра отштета од бугарската агенција за патишта и од националното биро за осигурување.
„Кои се оперативните производи што се користат во делот на патот што се користи во процесот, ознаки на патиштата. Има ли поставени патни ознаки и нивната состојба на патната делница, и има ли сигнализација 3 километри пред местото за вртење?“,
прашуваат наследниците во своите барања за да се изврши дополнителен увид на местото на несреќата.
Досега, девет месеци по несреќата, според истражните органи во Бугарија вината лежи единствено во возачот, додека во Македонија и натаму се води истрагата со несреќата на автобусот на „Беса Транс“.