Рускиот суд го прогласи Навални за виновен за проневера 4,7 милиони долари донации дадени на неговата, сега веќе забранета, фондација за борба против корупцијата и за непочитување на судот
Навални веќе се наоѓа во затвор источно од Москва, каде што издржува затворска казна од 2,5 години, на која претходно беше осуден
Најистакнатиот руски опозициски лидер Алексеј Навални е осуден на девет години затвор откако претходно беше прогласен за виновен за проневера на пари и непочитување на судот.
Според пресудата, Навални ќе ја отслужи последната од низата затворски казни на кои беше осуден со максимално ниво на безбедност.
Рускиот суд го прогласи Навални за виновен за проневера на пари. Станува збор за 4,7 милиони долари донации дадени на неговата сега забранета фондација за борба против корупцијата.
Во пресудата судијката Маргарита Котова рече дека Навални извршил „кражба на имот од организирана група“.
Навални беше прогласен за виновен и за непочитување на судот.
Во реакција на пресудата, Навални на Твитер напиша:
„Девет години. Па, како што ликовите од мојата омилена ТВ-серија ‘Wire’ имаа обичај да кажат : ‘Тоа се два дена. Денот кога влегуваш и денот кога излегуваш’. Имав дури и маица со оваа парола, но затворските власти ја конфискуваа со образложение дека е екстремистичка порака“.
9 years. Well, as the characters of my favorite TV series “The Wire” used to say: “You only do two days. That’s the day you go in and the day you come out”
— Alexey Navalny (@navalny) March 22, 2022
I even had a T-shirt with this slogan, but the prison authorities confiscated it, considering the print extremist.
Неговите поддржувачи и колеги тврдат дека целиот случај е монтиран.
Навални веќе се наоѓа во затвор источно од Москва, каде што издржува затворска казна од 2,5 години, на која претходно беше осуден.
Навални беше уапсен по враќањето од Берлин, каде што неколку недели се лекуваше од труење, за што го обвинува Кремљ.