Американските власти предупредија дека обезбедувањето услуги на овие авиони каде било во светот – вклучително и внатре во Русија – може да доведе до високи парични казни и потенцијална затворска казна
Американскиот Оддел за трговија додаде уште 73 авиони на списокот на оние што ги прекршиле американските санкции, воспоставени по руската инвазија на Украина. Овие воздухоплови неодамна патувале во Русија.
На листата од 18 март беа запишани 99 авиони, вклучително и приватниот авион на рускиот милијардер и сопственик на фудбалскиот клуб Челзи, Роман Абрамович.
Американските власти предупредија дека обезбедувањето услуги на овие авиони каде што било во светот – вклучително и внатре во Русија – може да доведе до високи парични казни и потенцијална затворска казна.
Во тогашното соопштение, Одделот соопшти дека секое полнење гориво, одржување или поправка на кој било од наведените авиони – како и обезбедувањето резервни делови – ги прекршува американските извозни контроли.
Регулативите се однесуваат на секој авион кој има повеќе од 25 отсто товар од американско потекло што бил реекспортиран во Русија откако новите контроли стапија на сила на 24 февруари, денот кога Русија ја нападна Украина.