Во изминатите 24 часа, евидентирано е дека на ниво на целата држава 55 лица го прекршиле полицискиот час
Уште 70 лица се во изолација и во самоизолација на територијата на државата од изминатото деноноќие.
Од МВР соопштија дека на 57 лица им се издадени решенија за изолација, а 13 потпишале изјави за самоизолација. Полициски службеници извршиле контроли кај лица во изолација и самоизолација, при што е утврдено дека едно лице не ја почитувало мерката за самоизолација.
По однос на забраната за движење, во текот на изминатите 24 часа, евидентирано е дека на ниво на целата држава 55 лица го прекршиле полицискиот час. Како што соопштија од МВР, приведени се 42 лица, а за останатите се земени податоци и ќе следуваат соодветни мерки.