„Урбана ренесанса 2.0“ – така албанскиот премиер ја именуваше кампањата за справување со дивоградбите и подготвка на неговата земја за зачленување во ЕУ до 2030 година
Секој ден по некое ново видео на кое се гледа како градежна машинерија урива објекти и натстрешници кои незаконски се поставени на јавни површини – така Еди Рама, меѓу другото, ја промовира „Урбана ренесанса 2.0“, која треба да стави ред во урбанистичкиот хаос.
Отворена е и веб-страницата под името „Мој јавен простор“, на која граѓаните може да пријават случаи на узурпација на јавни површини и дивоградби. Досега се примени неколку стотици пријави.
„Со ослободувањето на јавните површини и во Скадар, како и во низа други градови, продолжува Урбаната Преродба 2.0 со нова програма влада – општина – бизнис – заедница, а се во функција на квалитетот на заедничките простори, и за Албанија во ЕУ во 2030. Ви посакувам убав ден“,
напиша Рама под видеото објавено на Фејсбук.