„Кирк најверојатно ќе предизвика значителни последици поради силните ветрови и обилните дождови во споменатите региони. Се очекуваат прекини на струја, блокирани патишта и железнички линии. Последиците од ова невреме во Франција, Швајцарија и во Германија ќе бидат поголеми од слични зимски бури“, вели метеорологот Ларс Ловински
Ураганот Кирк се движи кон Европа, пренесува порталот „Еуроњуз“.
Според информациите, Кирк веќе не е класифициран како ураган, туку како тропска бура, но сепак најверојатно ќе предизвика штета и нарушување во Европа.
„Веќе не гледаме тропска бура со типична кружна, симетрична структура на облаци“,
изјави овластениот метеоролог Ларс Ловински за „Еуроњуз грин“, објаснувајќи дека бурата станува помалку „тропска“ кога се оддалечува од топлото.
Ловински објаснува дека сега Кирк „ќе остане многу силен бидејќи ќе се развие во моќна северноатлантска ветерна бура каква што често ја гледаме над Северен Атлантик и Западна Европа во текот на есента и зимата“.
Кирк ќе биде првата таква бура во оваа сезона, која вообичаено трае од октомври до март во Европа.
Пристигнувајќи на копното на Европа, Кирк најверојатно ќе почне да влијае на северна Португалија и северозападна Шпанија, каде што се очекува многу силен ветер и дожд.
„Главниот дел од силните ветришта потоа ќе биде со налети меѓу 100 и 130 километри на час, а во некои делови и до 145 километри на час. Обилниот дожд и грмотевиците исто така ќе бидат проблем во некои делови од северозападна Шпанија, каде се очекува да бидат со количини меѓу 100 и 150 милиметри“,
вели Ловински.
When #Kirk reaches Europe it will no longer be a hurricane, but the storm could still bring strong winds to parts of Spain, Portugal, France, Belgium, and the UK next week.
— Zoom Earth (@zoom_earth) October 5, 2024
This map shows the latest ICON wind gusts forecast plus the latest forecast path from the NHC: pic.twitter.com/G5fuAVBtfZ
Според Ловински, од западниот брег на Европа, бурата потоа ќе продолжи кон исток-североисток и ќе стигне до Франција, северозападна Швајцарија и потоа југозападна Германија.
Ловински, исто така, предупредува дека обилниот дожд ќе претставува закана, главно во централните и северните делови на Франција, а можно е дождовите да ги зафатат и Белгија и западна Германија.
„Кирк најверојатно ќе предизвика значителни последици поради силните ветрови и обилните дождови во споменатите региони. Се очекуваат прекини на струја, блокирани патишта и железнички линии. Последиците од ова невреме во Франција, Швајцарија и Германија ќе бидат поголеми од слични зимски бури“,
објаснува Ловински.
Обилните дождови може да предизвикаат и поројни поплави и излевање на реките, а во најлош случај и лизгање на земјиштето во планинските области.
Ловински вели дека ризикот од поплави е релативно низок бидејќи врвот на плимниот бран веројатно ќе се совпадне со плимата и осеката.
„Сепак, локализирани поплави поради големи бранови и високи водостои се можни во ниските области“,
вели тој.
Кирк на почетокот беше голем ураган, бидејќи викендов се движеше помеѓу Бермудите на Карибите и Азорските Острови во средината на Атлантикот.