Најмалку 972 деца во Украина се убиени или повредени од почетокот на војната пред околу шест месеци, додека во просек повеќе од пет деца се убиени или повредени секој ден, соопшти Фондот на ОН за деца (УНИЦЕФ).
Статистиките наведени во соопштението се оние што ОН можеа да ги потврдат, но се верува дека вистинската бројка е многу поголема.
Најголемиот број смртни случаи на деца се предизвикани од употребата на експлозивно оружје, кое не прави разлика меѓу цивили и борци, особено кога се користи во населени места, како што е случајот во Украина.
Како што е наведено, речиси секое дете во Украина е изложено и на длабоко вознемирувачки настани, а оние што бегаат од насилство се изложени на значителен ризик од семејна разделба, насилство, злоупотреба, сексуална експлоатација и трговија со луѓе.