Унијата на жени на опозициската ВМРО-ДПМНЕ денеска ќе организиран протест пред Министерството за здравство под мотото „Здравјето не е статистика, жените против неправдите“.
Покрај поканата за протестот, утрово од партијата преку соопштение побараа одговорност за случајот со родилката Јилдиз Веаповска на која и беа извадени три органи во Струга.
„Едвај се направи комисија, па едвај се разреши директорот на струшката болница, па сега Филипче најави и некој нова комисија. Одговорност-што беше тоа? Каде се надлежните институции? Станува збор за лекар кој вршел јавна функција, директор на Болницата во Струга, а паралелно имал своја ординација. Државниот санитарен и здравствен инспекторат изгледа спие. И во јавноста ништо не се слушна, на пример како работи ординацијата, што со ординацијата во иднина. А и Филипче молчи. Ја нема ни Лекарската комора. Направи некоја комисија, а комисијата речиси и да не работеше според тоа што јавноста го виде и слушна“,
реагираа од ВМРО-ДПМНЕ.
Од опозицијата велат дека одговорност и оставки треба да има од министерот Венко Филипче, но и во Државниот санитарен и здравствен инспекторат и во Лекарската комора.
*Поврзани вести:
ЈО собира искази за дивата ординација на Асани во Струга, за другата засега нема пријава
Болницата во Струга под надзор на комисија од Министерството за здравство
Поранешниот заменик-министер за здравство е нов директор на струшката болница