Тестовите ќе бидат распоредени во здравствените установи
Унгарија ни донираше 72 брзи антиген тестови за ковид, информираше Министерството за здравство.
На примопредавањето на донацијата присуствуваа унгарскиот амбасадор во земјава Ласло Дукс и министерот за здравство Беким Сали.
„Тестовите веднаш ќе бидат распределени во здравствените установи и со нив значително се олеснува пристапот на пациентите кон тестирање, а се олеснува и движењето на пациентот во установата со цел добивање на неопходниот здравствен третман“,
рече Сали.
Тој се заблагодари на Унгарија за која, рече, со ова ја докажува солидарноста за поуспешно справување со пандемијата.