Главниот воен командант на украинската армија вели дека има знаци на стабилизирање на фронтот кај градот што Русија со месеци се обидува да го освои
Генерал-полковник Валериј Залужњи на Фејсбук објави дека и покрај тоа што ситуацијата на фронтот е најтешка токму во делот на Бахмут, одбранбените сили успеале да ја стабилизираат ситуацијата и со огромни напори да го забават напредувањето на руските сили.
Проценките на официјални претставници на НАТО се дека во изминатиот период во судирите кај Бахмут загинале или биле повредени од 20 000 до 30 000 руски војници. Сепак, и покрај огромните загуби, Кремљ не се откажува од освојувањето на Бахмут – чекор кој би имал повеќе симболично отколку стратегиско значење.
Високиот број руски жртви можеби е главната причина поради која Украина не се повлече од градот, велат аналитичарите.
Британското Министерството за одбрана соопшти дека рускиот напад врз Бахмут во голема мера е закочен и дека Русија најверојатно го префрлила својот оперативен фокус на југ и север од Бахмут.