Руските сили извршија ракетен напад врз складиште за ракети и муниција во населбата Дељатин во областа Ивано-Франковск во западна Украина, соопшти денеска украински воен претставник.
Портпаролот на украинските воздухопловни сили, Јуриј Ихнат, изјави дека допрва треба да се потврди дали проектилот што го користеле Русите е навистина Кинжал, најнова хиперсонична ракета или некој друг вид на оружје.
Претходно денеска Министерството за одбрана соопшти дека руската армија вчера го погодила подземниот магацин во Дељатин со хиперсонична ракета што сега првпат ја користат во борба.
Според руските власти, „Кинжал“ го носат борбени авиони МиГ-31 има домет до 2.000 километри и лета со брзина 10 пати поголема од брзината на звукот.
▫️Destruction of a weapons depot of the Armed Forces of Ukraine by high-precision missile weapons strike. We can see the exact hit of an underground hangar with weapons and ammunition. pic.twitter.com/sKTF46Tdb0
— Минобороны России (@mod_russia) March 19, 2022