И покрај воената инвазија на Русија во Украина, транзитот на руски природен гас низ територијата на земјата продолжува. Некои земји од Европската Унија и понатаму продолжуваат да купуваат „сино гориво“ од Русија
Украина не планира да го обнови договорот со Русија за транзитен пренос на природен гас преку нејзината територија откако ќе му истече важноста на крајот на годината, соопшти денеска украинскиот премиер Денис Шмигал, кој во Ужхород, во западниот дел на Украина, се сретна со словачкиот премиер Роберт Фицо.
Намалувањето на приходите кои Москва ги добива од продажбата на природен гас и нафта, Шмигал го определи како стратешка цел.
„Ова ќе ја ограничи способноста на Русија да ги финансира своите воени операции во Украина“,
изјави украинскиот премиер.
Од своја страна, Фицо рече дека за време на неговите разговори со претставници на украинската влада било потврдено дека Киев ја задржува својата желба да продолжи да ја користи својата транзитна мрежа за трансфер на природен гас и нафта, како што е наведено во договорот со Русија.
„Ова е многу важна вест за сите нас“,
истакна словачкиот премиер.
И покрај воената инвазија на Русија во Украина, транзитот на руски природен гас низ територијата на земјата продолжува. Некои земји од Европската Унија и понатаму продолжуваат да купуваат „сино гориво“ од Русија, јави ДПА.