Американскиот Стејт департмент ја одобри продажбата на 3 350 ракети, како и делови, софтвери за планирање мисии и обука на украински војници
Американскиот Стејт департмент го одобри првиот чекор кон можна голема воена продажба за Украина вредна околу 825 милиони долари. Оваа одлука, која сега чека зелено светло од Конгресот на САД, е објавена преку Агенцијата за соработка во одбраната и безбедноста.
Украина во зделката би требало да добие 3 350 ракети од типот ЕРАМ со продолжен дострел, контејнери за ракети, држачи, резервни и заменски делови, потрошен материјал, опрема за поправка, софтвер за оружје, хардвер и софтвер за планирање мисии, како и обука на персонал, логистичка поддршка и инженерски услуги.
Украина овие средства ќе ги обезбеди од странски фондови од Данска, Холандија и Норвешка, како и средства од програмата за воена помош на Соединетите Американски Држави. Американските власти проценуваат дека оваа продажба ќе ги подобри безбедносните капацитети на Украина и ќе придонесе за нејзината способност да се соочи со сегашните и идните закани, како и да спроведува мисии за самоодбрана и регионална стабилност.
„Продажбата нема да ја промени основната воена рамнотежа во регионот“,
велат од Агенцијата за соработката во одбраната и безбедноста.
Во соопштението на Агенцијата за соработка во одбраната и безбедноста се наведува и дека засега не се предложува никаков договор за компензација, но и оти секој таков договор би биле дел од преговорите единството помеѓу двете страни.