Детали од договорот сè уште не се објавени, но она што засега го потврдија двете страни е дека ќе се формира инвестициски фонд за истражување на минерални суровини и кој ќе одредува како ќе се делат приходите
По неколкумесечни преговори, Вашингтон и Киев доцна синоќа потпишаа договор за заедничка експлоатација на енергетските и минералните ресурси на Украина, пренесува Би-би-си.
Детали од договорот сè уште не се објавени, но она што засега го потврдија двете страни е дека ќе се формира инвестициски фонд за истражување на минерални суровини, кој ќе одредува како ќе се делат приходите.
Како што информира Би-би-си, договорот го потпишаа американскиот министер за финансии Скот Бесент и украинската вицепремиерка Јулија Свириденко во Вашингтон.
Тоа ќе вклучи формирање инвестициски фонд за реконструкција за Украина, за да се поттикне економското закрепнување на Киев од војната со Русија.
Според американскиот министер за финансии Скот Бесент, договорот јасно ѝ сигнализира на Русија дека администрацијата на Трамп е посветена на мировниот процес фокусиран на слободна, суверена и просперитетна Украина на долг рок.
On behalf of the Government of Ukraine, I signed the Agreement on the Establishment of a United States–Ukraine Reconstruction Investment Fund.
— Yulia Svyrydenko (@Svyrydenko_Y) April 30, 2025
Together with the United States, we are creating the Fund that will attract global investment into our country. pic.twitter.com/8ryyAMqW83
Украинската вицепремиерка Јулија Свириденко, која го потпиша договорот во Вашингтон, објави дека во име на владата на Украина го потпишала Договорот за основање Инвестициски фонд за реконструкција САД-Украина.
„Заедно со САД го создаваме Фондот кој ќе привлече глобални инвестиции во нашата земја“,
напиша таа на Икс.
Додаде и дека приходите и придонесите на фондот нема да се оданочуваат во ниту една земја.
Договорот треба да биде ратификуван и од украинските парламентарци.
Договорот за ретките минерали со месеци беше предмет на тензични преговори. Предвидува формирање Фонд за реконструкција и инвестирање, кој, според администрацијата на Трамп, ќе генерира поврат на 175 милијарди долари помош за Украина.
Не е познато дали договорот експлицитно вклучува безбедносни гаранции од САД, за што украинскиот претседател Володимир Зеленски се залагаше за време на преговорите.