Размената за заробениците се случи во пресрет на 32-часовното велигденско примирје помеѓу двтете земји кое стапи во сила попладнево
Украина и Русија денеска разменија по 175 воени заробеници во пресрет на 32-часовното велигденско примирје што започна попладнево и ќе трае до 12 април.
Украинскиот претседател Володимир Зеленски објави дека Украина вратила дома 175 војници и седум цивили од руско заробеништво. Рече дека украинските војници ја бранеле земјата на различни фронтови од истокот до југот на Украина и дека повеќето од нив биле во руско заробеништво од 2022 година.
„Нашите луѓе се враќаат дома. Ја бранеа Украина на различни фронтови – Мариупол, нуклеарната централа Чернобил, Донецк, Луганск, Харков, Херсон, Запорожје, Суми, Киев и Курск. Некои од нив се ранети. Повеќето се во заробеништво од 2022 година. Конечно се дома“,
напиша Зеленски во објава на Икс.
Our people are returning home.
— Volodymyr Zelenskyy / Володимир Зеленський (@ZelenskyyUa) April 11, 2026
175 servicemembers. Warriors of the Armed Forces, National Guard members, border guards. Privates, sergeants, and officers. And seven civilians.
Our warriors defended Ukraine on different fronts – Mariupol, the Chornobyl Nuclear Power Plant, the…
Министерството за одбрана на Русија соопшти дека 175 руски војници се вратени од териториите под контрола на Киев, а за возврат се предадени 175 украински воени заробеници. Дополнително, вратени се и седум руски државјани, жители на Курската Област, кои според тврдењата на Москва, незаконски биле држени во Украина.
Руското министерство објави дека размената на заробениците е со посредство на Обединетите Арапски Емирати.
Инаку, од попладнево стапи во сила 32-часовното велигденско примирје помеѓу Русија и Украина, на предлог на рускиот претседател Владимир Путин.