Зеленски преку социјалните мрежи веднаш се заблагодари нарекувајќи го пакетот „значаен придонес за обновување на мирот и безбедноста во Украина, Европа и светот“
Американскиот Сенат одобри помош за Украина од речиси 40 милијарди долари, што е најголемиот пакет од почетокот на руската инвазија.
Станува збор за воена, економска и хуманитарна помош, а во Сенатот беше изгласана со 86 гласа „за“ и 11 „против“. Усвојувањето во Сенатот следува откако минатата недела пакетот доби зелено светло и во Претставничкиот дом. Сега законот за нова помош ќе биде испратен кај претседателот Џо Бајден за потпишување.
Конкретно, пакетот вклучува:
- 6 милијарди долари за одбранбена помош вклучувајќи обука, опрема и оружје;
- 8,7 милијарди долари за надополнување на резервите на американска опрема испратена во Украина;
- 3,9 милијарди домари за операции на Европската команда;
- 9 милијарди долари за економска поддршка на Украина;
- 5 милијарди долари за справување со глобалниот недостиг на храната.
Украинскиот претседател Володомир Зеленски преку социјалните мрежи веднаш се заблагодари нарекувајќи го пакетот „значаен придонес за обновување на мирот и безбедноста во Украина, Европа и светот“. Исто така, порача дека очекува истиот наскоро да биде потпишан и од Бајден.