Топлото време и високите температури ќе продолжат и во наредните денови, информираат од Управата за хирометеоролошки работи (УХМР). До крајот на неделава ќе биде сончево и многу топло со натпросечни температури кои ќе надминат 40 степени.
Од УХМР велат дека со прогнозираните температурни вредности ќе биде активирана жолта, а во југоисточните подрачја портокалова фаза за опасност од високи температури. Во среда ќе има изолирана појава на краткотраен пороен дожд и грмежи кога ќе има и пад на дневната температура за 3 до 5 степени.
Максималната температура ќе биде во интервал од 34 до 41 степени, а ќе има и висок УВ индекс.