Откако е објавена прелиминарната ранг-листа на запишани во прва година средно образование во учебната 2022/2023 година, потребната документација учениците до училиштата ја доставуваат денеска од 12 до 19 часот и утре од 7 до 19 часот, според распоред што го подготвува секое училиште
Конечните ранг-листи на огласните табли на училиштата и на веб-страницата на Министерството за образование и наука ќе бидат објавени в сабота,18 јуни
Комисиите во средните училишта денеска прават проверка на идентичноста на податоците од електронските апликации за упис во училиштата кои беа пратени во изминатите пет дена додека траеше пријавувањето, со документите што им се доставуваат.
Откако е објавена прелиминарната ранг-листа на запишани во прва година средно образование во учебната 2022/2023 година, потребната документација учениците до училиштата ја доставуваат денеска од 12 до 19 часот и утре од 7 до 19 часот, според распоредот што го подготвува секое училиште.
Конечните ранг-листи на огласните табли на училиштата и на веб-страницата на Министерството за образование и наука ќе бидат објавени в сабота,18 јуни.
Првпат годинава пријавувањето беше електронски – нова дигитална услуга што МОН ја воведе за оптимизација на целиот процес. До затворањето на системот за пријавување вчера во 15 часот, преку линк до порталот на МОН пристигнале 14 500 апликации од ученици за упис во средните училишта.
Министерот Јетон Шаќири вчера на прес-конференција рече дека целокупната подготовка од МОН, како и достапноста на порталот за пријавување, резултирало со евидентно порелаксиран процес споредено со минатите години. Посочи дека новиот начин на аплицирање одзема само 5 до 10 минути, нема турканици пред училиштата, зголемена е транспарентноста, а намалена улогата на човечкиот фактор.