По целосно документирање на случајот, ќе биде поднесена соодветна пријава, велат од Министерството за внатрешни работи
Полицијата уапси 29-годишен неготинец откако 41-годишна скопјанка го пријавила дека ја присилил на полово дејствие, ја снимал, а потоа ѝ барал пари за да не го објави видеото на социјални мрежи.
„На 06.12.2025 во 01:00 часот во Скопје, на подрачјето на општина Аеродром, полициски службеници од СВР Скопје го лишија од слобода Р. М. (29) од Неготино, постапувајќи по пријава од 41-годишна жена од Скопје дека на 02.12.2025 во стан на подрачјето на Центар ја присилил на полово дејствие, при што снимал со мобилен телефон, а потоа ѝ упатувал закани и барал да му даде пари за да не го објави видеото на социјални мрежи“,
соопшти Министерството за внатрешни работи (МВР).
Оттаму додаваат дека по целосно документирање на случајот, ќе биде поднесена соодветна пријава.