Турскиот министер за надворешни работи, Мевлут Чавушоглу додаде дека ја разбира загриженоста за безбедноста на Финска и Шведска, но дека сите мора да ги разберат и легитимните безбедносни грижи на Турција, додавајќи оти инсистира двете земји да преземат конкретни чекори за влез во НАТО
Турскиот министер за надворешни работи Мевлут Чавушоглу рече дека Шведска и Финска сега мора да преземат конкретни чекори за да ги смират безбедносните грижи на неговата земја со цел да се надминат приговорите на Анкара за нивната кандидатура за НАТО.
Тој рече дека делегациите на двете нордиски земји се вратиле дома со барањата на Турција, по посетата оваа недела и оти Анкара ги чека нивните одговори.
За аспирациите на Шведска и Финска за членство во Алијансата е потребна поддршка од сите земји-членки на НАТО, но Турција е против. Како причина за тоа, Анкара ја наведува наводната поддршка за курдските милитанти кои Турција ги смета за терористи и ограничувањата за продажба на оружје на Турција.
Двете нордиски земји ги отфрлија тврдењата на Турција, но Чавушоглу и покрај тоа инсистира дека овие земји мора да преземат конкретни чекори.
Турскиот министер за надворешни работи додаде дека ја разбира загриженоста за безбедноста на Финска и Шведска, но дека сите мора да ги разберат и легитимните безбедносни грижи на Турција.
Шведска и Финска аплицираа за членство во НАТО по руската инвазија на соседна Украина.