Разбивањето на организацијата ФЕТО е приоритет на турската држава во изминатите шест години по неуспешниот обид за воен удар
Турција бара од Северна Македонија да екстрадира 80 членови на организацијата ФЕТО, која Анкара ја смета за терористичка.
Турскиот амбасадор во земјава, Хасан Мехмет Секизќоќ, на прес-конференција во резиденцијата во Скопје рече присуството на ФЕТО во Северна Македонија продолжува преку три училишта.
„Под маската на образовни институции работат три училишта поврзани со ФЕТО во Скопје, Тетово и Струга. Од Северна Македонија очекуваме да преземе конкретни чекори во врска со затворањето на овие училишта и депортација на лицата поврзани со ФЕТО во Туркција. Овие барања ги презентираме на највисоко ниво. Ќе го следиме ова прашање сѐ додека оваа терористичка организација целосно не се елиминира од Северна Македонија. Очекуваме сите земји да соработуваат во борбата против тероризмот во сите негови форми и манифестации.“,
рече Секизќоќ.
Вели дека Анкара очекува училиштата да бидат затворени што е можно поскоро и да ѝ бидат префрлени на Фондацијата „Маариф“.
Разбивањето на организацијата ФЕТО е приоритет на турската држава во изминатите шест години по неуспешниот обид за воен удар. Сега Анкара се фокусира на активностите на ФЕТО во странство. Во 45 земји прекинати се активностите на училиштата на ФЕТО, а повеќе од 200 училишта во 20 држави се префрлени на раководење од страна на Фондацијата „Маариф“.