Трамп ја нарече Тунберг (22), демонстрантка против климатските промени, која неодамна беше уапсена на брод кој беше дел од флотилата што се обидуваше да ја пробие блокадата на Газа, луда и проблематична личност на која ѝ треба помош за проблемите со агресијата
Шведската активистка Грета Тунберг му возврати на американскиот претседател Доналд Трамп, кој „ја советуваше“ да побара помош за нејзините проблеми со агресијата, велејќи му дека и тој страда од тоа.
Трамп ја нарече Тунберг (22), демонстрантка против климатските промени, која неодамна беше уапсена на брод кој беше дел од флотилата што се обидуваше да ја пробие блокадата на Газа, луда и проблематична личност на која ѝ треба помош за проблемите со агресијата.
„Мислам дека треба да посети лекар. Таа е млада личност и има проблем со управување со гневот, толку е лута и луда“,
рече Трамп.
„Видов дека Доналд Трамп повторно ги изразил своите приватни, ласкави мислења за моето здравје и ја ценам неговата загриженост за моето ментално здравје. До Трамп: Ги ценам сите препораки што ми ги дадовте за справување со овие таканаречени проблеми со агресијата, бидејќи се чини дека и вие – со оглед на вашата импресивна историја – страдате од нив“,
напиша Тунберг на Инстаграм.
Тунберг пристигна во Грција во понеделникот, откако беше уапсена од Израел заедно со стотици други активисти, а потоа депортирана поради обид за доставување хуманитарна помош во Газа.
„Сакам да бидам многу јасна. Таму се случува геноцид. Она што се обидовме да го направиме со глобалната флотила беше да интервенираме кога нашите влади не успеаја да ја исполнат својата законска обврска“,
изјави Тунберг пред толпата на аеродромот во Атина.