Како што претходно информираше ЦУК, до 13:30 часот, биле регистрирани вкупно четири пожари на отворен простор и сите биле активни
Центарот за управување со кризи информира дека поради ветер кој го зафати подрачјето на Општина Куманово и Град Скопје на повеќе локации од искрење на жици предизвикни се пожари.
Во Скопскиот регион пожари се пријавени помеѓу Индустриска зона „Бунарџик“ и рафинерија „Окта“.
Во Општина Куманово и Општина Старо Нагоричане се пријавени пожари во село Романовце, Агино Село, Табановце, Шупњи Камен, Младо Нагоричане и Стрновац.
Како што претходно информираше ЦУК, до 13:30 часот, биле регистрирани вкупно четири пожари на отворен простор и сите биле активни: Општина Велес – кај селата Џидимирци – Крушје – Иванковци, со два крака: еден кон с. Иванковци и друг кон с. Крушје (мешана шума); Општина Македонски Брод – помеѓу с. Црешнево, с. Локвица и с. Крапа (деградирана дабова шума, грмушки и ниска вегетација); Општина Василево – с. Нивичино (нискостеблеста шума); Општина Дојран – с. Николич (нискостеблеста шума).