ЦУК: Целосно изгаснат пожарот кај Штип, во моментов нема активни пожари на отворено

Вчера, како што информира директорот на ЦУК, Стојанче Ангелов, имало 29 пожари на отворено и сите се изгаснати

Во врска со пожарот кој вчера доцна попладне избувна и беснешее кај Липковско на линијата од селата Слупчане – Ваксинце во насока на Алачевце, од ЦУК утрово информираа дека е локализиран ноќеска околу полноќ

Пожарот кој утрово повторно се разгоре кај Штип и се ширеше кон селото Драгоево е целосно изгаснат, соопшти директорот на Центарот за управување со кризи (ЦУК), Стојанче Ангелов. 

Пожарот во близина на Штип, покрај патот кон Радовиш избувна вчера доцна вечерта и зафати површина од 130 до 150 хектари. Тој бил локализиран ноќеска околу 2:00 часот, но, како што информираа од ЦУК, утрово повторно пламнал. По интервенцијата на надлежните, тој сега е целосно изгаснат.  

Откако беше локализиран, пожарот во Штипско повторно се активира – се шири кон селото Драгоево

Во врска со пожарот кој вчера доцна попладне избувна и беснешее кај Липковско на линијата од селата Слупчане – Ваксинце во насока на Алачевце, од ЦУК утрово информираа дека е локализиран ноќеска околу полноќ.    

„Во овој момент нема горење, но поради опасност од повторна појава и ширење на пожарот екипа на ТППЕ Куманово се наоѓа на терен“,  

информира утрово Ангелов.

Пожар се разгоре во Липковско – во близина има борова шума

Активни пожари на отворено, како што соопшти Ангелов, во земјава во овој момент нема. 

Вчера, додава тој, имало вкупно 29 пожари на отворен простор и сите се изгаснати.