Од утрово е активен е пожарот кај селото Нивичино во Општина Василево, каде што гори нискостеблеста шума
Изгаснат е пожарот што вчера изби кај селото Мршевци меѓу Рафинеријата и Индустриската зона „Бунарџик“ во Општина Илинден, информираат денеска од Центарот за управување со кризи (ЦУК). Поради ветрот, овој пожар се прошири кон селото Бујковци и кон Индустриската зона, а огнот зафати и дел од покривот на црквата кај селото Мршевци.
До 7 часот утрово, според ЦУК, евидентитирани се 33 пожари на отворен простор од кои еден е активен, четири се под контрола, а 28 се изгаснати.
Активен е пожарот кај селото Нивичино во Општина Василево, каде што гори нискостеблеста шума.
Под контрола се ставени пожарите во Општина Велес, кај селата Џидимирци, Крушје и Иванковци, во Општина Дојран кај селото Николиќ, Општина Демир Хисар, кај градската депонија, и во Општина Македонски Брод кај селата Црешнево, Локвица и Крапа.
Изгаснати се 28 пожари во општините Гостивар, Кочани, Неготино, два во Старо Нагоричане, четири во Куманово, во Кратово, два во Сарај, три во Гази Баба, во Сопиште, Илинден, Студеничани, Карпош, Ѓорче Петров, Петровец, Босилово, Желино, Тетово, Јегуновце, Македонска Каменица, два во Струга и во Илинден.