Најголем е се’ уште пожарот во селото Будинарци, Беровско, каде е пристутна и најголема домашна и странска помош. Гори и во делчевскиот регион, во општините Сарај и Петровец, во неколку села во Прилеп, Велес и Крива Паланка
Пресекот на активните пожари на терен на Центарот за управување со кризи, покажува десетина активни пожари во државата. Помошник-раководителката на секторот за операции и координација Марија Милкова на прес-конференцијата информираше за состојбата со пожарите до 17 часот
Пожарот во делчевскиот регион, во селата Разловци и Истевкик, се ставени под контрола. Има мало димење во местото Грбовец, но, пожарот е под контрола. На терен се противпожарни екипи, странска помош, МВР и АРМ, кои го локализираат пожарот.
„Во селото Будинарци се уште е активен. Во моменти кога мислиме дека е локализиран, имаме избувнување на нови жаришта и овој пожар се уште се води како активен. Има припдници од армијата, полицијта, шумските стопанства, противпожарни бригади од Скопје, Кавадарци и Штип, вработени во Дирекцијата за заштита и спасување, ЕВН, месно население и меѓународни тимови од Словенија и Австрија“
соопшти Милкова.
Активен пожар има во Сарај, село Раовиќ и Буковиќ. На терен се екипи од Националниот парк „Јасен“, Шумското стопанство „Караџица“, противпожарна бригада на град Скопје и жители од локалната самоуправа на општина Сарај. Активен пожар има и во Петровец кај местото викано Крушје кој бил ставен под контрола, но, во 13 часот, повторно почнало да гори.
Активен пожар кој е делумно локализиран, е пожарот во Прилеп, во местото Толица. Пожарот е ставен делумно под контрола, но, во одредени места има чадење. Освен припадници на армијата и „Шумското стопанство Црн бор“ од Прилеп, во два наврати дејствуваше и авионот на романското воено воздухоплоство.
Откако утринава бил локализиран, во 13 часот повторно е активен и пожарот во село Владиовци, во општина Чашка. На терен се од пожарната од Велес и месното население.
„Пожарот кој во попладневните часови избувна во село Герман во Крива Паланка е ставен под контрола делумно. На терен има лица од противпожарната бригада од Ранковце и шумското стопанство од Крива Паланка. Излезе шпекувалција дека има жена со деца загрозени, но тие се навремено спасени“,
рече Милкова.
Пожарот во штипското село Драгоево е ставен под контрола. На одредени места има појава на димење. На терен се од противпожарната бригада од Штип, МВР и општина Неготино.
Но, како што соопшти Милкова на прес – конференцијата, во попладневните часови се појавени нови пожари во Велешко, селата Војница, Крајница и Извор. Таму гори нискостеблеста мешана шума. На лице место има 11 вработени во шумското претпријатие во Бабуна. Во попладневните часови избил пожар и во Кочанско, но нема опасност да се прошири.
Милкова соопшти и дека првата тура меѓународна помош во противпожарни возила и пожарникари од Бугарија, заминала рано наутро, но дека добиле информации дека е направена замена, со што се пристигнати нови 3 противпожарни возила и неколку пожарникари, кои во текот на денешниот ден треба да бидат распределени на терен.