Центарот за контрола на болести објави што се може да прават луѓето во САД откако ќе ги примат двете дози вакцина против ковид-19.
Ако сте целосно вакцинирани, можете да продолжите со активности што сте ги правеле пред пандемијата. Целосно вакцинираните лица можат да продолжат со активности без да носат маска или без физички да се дистанцираат, освен кога тоа го бараат федералните, државните или локалните закони, според последните препораки на Центарот за контрола и превенција на болести на САД.
Центарот објави водич за тоа што може да прават луѓето во САД откако ќе ги примат двете дози од вакцина против ковид-19.
Според овие препораки, ако сте целосно вакцинирани:
- Може да продолжите со активности што сте ги правеле пред пандемијата.
- Може да продолжите со активности без да носите маска или без да одржувате дистанца …
- Ако патувате во САД, не треба да се тестирате пред или по патувањето или да одите во карантин
- Не треба да се тестирате пред да заминете од САД, освен ако вашата дестинација не го бара тоа.
- Сè уште треба да покажете негативен резултат од тестот или документација за закрепнување од ковид-19 пред да се качите на меѓународен лет
- Не треба да одите во карантин по пристигнувањето во САД.
- Ако сте биле околу некој што има ковид-19, не треба да се држите настрана од другите или да се тестирате, освен ако имате симптоми…
За препораките на Центарот за контрола на болести извести и Белата куќа преку Твитер.
„Стигнавме до тука. И без разлика дали ќе изберете да се вакцинирате или да носите маска, заштитете се додека не стигнеме до целта“,
се наведува во објавата на Белата куќа.
Big news from the CDC: If you’re fully vaccinated, you do not need to wear a mask – indoors or outdoors, in most settings.
— The White House (@WhiteHouse) May 13, 2021
We’ve gotten this far. Whether you choose to get vaccinated or wear a mask, please protect yourself until we get to the finish line. pic.twitter.com/XI4yPmhWaD