Возачот, кој е турски државјанин, управувал автобус што сообраќал на редовна линија Гостивар-Истанбул
При контрола на автобус пријавен за излез на граничниот премин „Деве Баир“, царинските инспектори од Одделението за оперативни работи привремено задржаа 100 илјади швајцарски франци.
„На граничниот премин ‘Деве Баир’ за излез се пријавил автобус со македонски регистарски ознаки GV7396АD на превозникот ‘Експрес туризам’ од Гостивар, управуван од лицето Х.О. државјанин на Р Турција, кој сообраќа на редовна линија Гостивар-Истанбул. При извршена детална контрола и личен претрес на возачот, во внатрешниот џеб на панталоните му биле пронајдени непријавени две пакувања обвиткани со црн најлон и селотејп во кои се наоѓале 100 илјади швајцарски франци“,
соопштија од Царинската управа.
Девизните средства се привремено одземени со потврда за привремено одземени предмети, а против пријавеното лице ќе биде поднесено барање за поведување прекршочна постапка до Основниот суд во Крива Паланка.