Според пишувањата на Ројтерс, рускиот Државен истражен комитет ја потврдил информацијата давајќи детали околу експлозијата и бројот на загинати лица – двајца полицајци и уште едно лице, но не прецизирајќи за кого станува збор
Три лица се убиени од експлозија на автомобил што се случила ноќеска во Москва, пишуваат странските агенции. Според информациите на медиумите, до експлозијата дошло откако двајца полицајци се приближиле до лице кое се однесувало сомнително околу нивното патролно возило. Настанот се случила во близина на местото каде пред два дена беше убиен висок генерал од експлозија на автомобил.
Кога полициските службеници се доближиле за да го приведат лицето експлозивна направа експлодирала.
Според пишувањата на Ројтерс, рускиот Државен истражен комитет ја потврдил информацијата давајќи детали околу експлозијата и бројот на загинати лица – двајца полицајци и уште едно лице, но не прецизирајќи за кого станува збор.
Од снимки што се шират на мрежата Икс може да се забележи дека околу областа има десетици полициски возила.
🇷🇺🇺🇦 Moscow appears hit by another terror attack
— The Other Side Media (@TheOtherSideRu) December 24, 2025
An explosion in southern Moscow killed three — two police officers and an unidentified suspect
Officers noticed a suspicious person near their patrol car overnight, but as they moved to detain them, an explosive device detonated… pic.twitter.com/K5Jpeu9OJD
Се вели дека е отворена кривична постапка според членови од законот што се однесуваат на убиство на службеници и нелегална трговија со бомби.
Руски новински канали на Телеграм соопштија дека бомбашот бил еден од убиените и дека ја активирал бомбата кога му се приближиле службениците.
Експлозијата се случила во близина на местото каде што генерал-потполковник Фанил Сарваров, началник на Дирекцијата за оперативна обука на армијата на рускиот Генералштаб, беше убиен во понеделникот.