Се очекува на денешната седница на Собранието, прва по вчерашниот втор круг од локалните избори, да биде констатиран престанок на нивниот пратенички мандат
До Собранието се доставени известувања за престанок на мандатите на Јане Мицевски, Бети Стаменкоска-Трајкоска и Дејан Проданоски од функцијата пратеник. Известувањата следуваат по изборот на тројцата пратеници на ВМРО-ДПМНЕ за градоначалници на локалните избори што се одржаа на 19 октомври и на 2 ноември – Мицевски на општина Сопиште, Стаменковска-Трајкоска на Кисела Вода и Проданоски на Прилеп.
Се очекува на денешната седница на Собранието, прва по вчерашниот втор круг од локалните избори, да биде констатиран престанок на нивниот пратенички мандат. Пред пратениците на седницата треба да се обрати претседателот на Парламентарното собрание на Советот на Европа, Теодорос Русопулос.
На местата на Стаменковска-Трајковска и Мицевски пратеници треба да бидат следните на листата во Изборната единица 1, додека на местото на Продановски – од Изборната единица 4.