Полициските службеници преку истрага дошле до сомнение дека лицето А. А., од стопански објект украл паричник со пари, додека лицата А. О. и Ж. Д. примиле и задржале дел од украдените пари од него
Тројца македонски државјани се приведени откако полицијата во Никшиќ открила дека украле паричник со 1 500 евра во трговски објект во Богетиќи.
Според соопштението на Полициската управа, пред два дена во полицијата во Никшиќ едно лице пријавило дека од страна на три непознати лица му бил украден паричник со 1 500 евра, по што заминале со автомобил, пренесува „Вијести“.
„Полициските службеници од Одделението за безбедност Никшиќ по пријавувањето презеле мерки и дејствија од нивна надлежност и вчера во градот Папрати контролирале возило марка ‘ауди’ во кое се наоѓале три лица, државјани на Република Северна Македонија. Лицата А.А. (26), А.О. (41) и Ж.Д. (47) биле донесени во службените простории. Полициските службеници преку кривична истрага дошле до сомнение дека А.А., од споменатиот стопански објект украл паричник со пари, додека А.О. и Ж.Д. примиле и задржале дел од украдените пари од него“,
се вели во соопштението на полицијата.
Во полицискиот извештај се додава дека лицата се уапсени, а А. А. е осомничен за кривично дело кражба, додека А. О. и Ж. Д. се товарат за кривичното дело прикривање.
„Поголемиот дел од украдените пари се пронајдени и вратени на сопственикот, а возилото што е користено при извршување на кривичното дело е одземено“,
се вели во соопштението.