Присутните туристи на плажата, крајбрежната стража и полициските службеници од Каваја веднаш им укажале прва помош на македонските државјанки, по што веднаш биле пренесени во Регионалната болница во Драч за укажување лекарска помош
Три македонски државјанки на возраст од 48, 60 и 66 години, вчера попладне биле спасени од давење на плажата Голем во Каваја во Албанија. Според информациите од полицијата, на жените веднаш им била укажана прва помош од туристите на плажата, крајбрежната стража и од полициските службеници кои биле дежурни. Тие се итно пренесени во болница во Драч.
„Трите жени итно се пренесени во Регионалната болница во Драч за укажување лекарска помош. Жената на 48-годишна возраст е надвор од животна опасност, додека во потешка состојба се другите две, на 66 и 60-годишна возраст”,
стои во соопштението.