Повредените веднаш по извлекувањето биле пренесени во штипската Клиничка болница каде им се укажува лекарска помош
Три лица се повредени во сообраќајката што вечерва се случила на регионалниот пат село Караорман – Штип, информираат од Секторот за внатрешни работи (СВР) Штип.
Во извлекување на повредените од возилото интервенирале и пожарникари.
Повредените веднаш по извлекувањето биле пренесени во штипската Клиничка болница каде им се укажува лекарска помош.
Од СВР Штип велат дека полициските службеници се на терен и во тек е увидот на местото на несреќата, а повеќе детали за сообраќајната несреќа велат дека ќе дадат во текот на утрешниот ден.
Инаку, делот од регионалниот пат каде што се случила сообраќајката, помеѓу општините Штип и Карбинци, е место каде често се случуваат несреќи и е познат како црна сообраќајна точка.
Од Автомото сојузот на Македонија (АМСМ) вечерва информираа дека сообраќајот на овој дел од регионалниот пат е во прекин од 19:35 часот.