Третиот смртен случај како последица на коронавирусот во земјава го регистрираа денеска здравствените власти во земјава. Министерот за здравство Венко Филипче соопшти дека починала жената од Дебар, која подолго време беше во критична состојба и беше приклучена на респиратор.
Филипче рече дека жената имала 66 години и, според податоците, примала терапија за висок притисок.
Ова е втор смртен случај меѓу заболените во Дебар, каде што претходно почина еден маж. Првиот смртен случај беше 57-годишната жена од Куманово.