Таа потсети дека со новото законско решение, уште 1 100 стечајци добиваат материјална помош од 9 242 денари месечно
Министерката за труд и социјална политика Јованка Тренчевска денеска посети две еднородителски семејства во Штип, со кои разговарала за потребите и предизвиците со кои се соочуваат, како и ефектите од социјалната реформа со која се промени целосно пристапот кон ранливите категории граѓани.
Ккао што соопшти МТСП, таа истакнала дека социјалната реформа креирана со цел унапредување на правата и зголемување на помошта за ранливите категории граѓани, дала реални резултати – „за 300 отсто зголемена социјална помош, детски и образовен додаток и поголеми права и услуги за лицата со попреченост„.
„Едното семејство користи надомест поради попреченост на лице со најтешка телесна попреченост, Гарантирана минимална помош, надомест за помош и нега од друго лице, а исто така детето е корисник на услуга дневен престој во Дневен центар за деца со интелектуална или телесна попреченост. Мајката не информираше дека користи и надомест за стечаен работник кој со проширувањето на опфатот на лица кој го направивме го оствари ова право“,
информираше министерката.
Таа потсети дека со новото законско решение, уште 1 100 стечајци добиваат материјална помош од 9 242 денари месечно.
„За другото семејство, мајката која е самохран родител, ме информираше дека за двете деца кои се ученици користат и детски и образовен додаток, мајката е вработена и со измените во Законот за минимална плата, ќе добие зголемена плата од 18 000 денари“,
рече Тренчевска.
Како што се вели во соопштението на МТСП, министерката истакнала дека Владата и Министерството се отворени и достапни за сите потреби и сите предизвици со кои се соочуваат самохраните родители, како и останатите граѓани на кои помошта им е неопходна.